Saltsak

Saltsa rubioa

 

Osagaiak: tipula handi bat edo bi txiki, azenario 1, 2 baratxuri- ale, gatza, oliba olioa, ura eta ardo beltza.

 

Prestaketa: tipula handi samar moztuko dugu eta azenarioa borobiltxo finetan. Baratxuriak zuritu eta zati handietan moztuko ditugu. Olioa berotzen jarri eta barazki guztiak botako ditugu. Gatza bota eta erabat egiten utziko dugu azenarioa eginda egon arte. Egina dagoenean ardo beltz zorrotada bat botako diogu lehortu arte utziko dugu. Orain barazkiak estali arte ura botako diogu, baina ez gehiago, eta gatza botako diogu. Beste 10 minutuz sutan utziko dugu zaporeak bildu daitezen eta batidora pasako diogu.  

Tomate saltsa

 

Osagaiak: tomate natural txiktu lata bat,tipula handi bat edo bi txiki, oliba olioa, gatza eta ardo beltza.

 

Prestaketa: tipula zati handi xamarretan mozten da eta oliotan jarriko dugu, gatza bota eta erdi pareko sutan egiten jarriko dugu (bigun gelditu behar du) erre gabe. Behin eginda dagoenean ardo beltz zorrotada bat botako diogu eta berriro lehortu arte utziko dugu. Behin loditu denean tomatea botako diogu eta mugitu egingo dugu. 10 edo 15 minutuz zaporeak elkartzen utziko ditugu sutan. Batidorarekin birrindu.

Almendra saltsa

Osagaiak: almendra gordin eskukada bat (20 bat edo), tipula handi erdi bat, barazki salda katilukada bat, 3 baratxuri ale, ekilore olioa eta gatza.

Prestaketa: baratxuri aleak eta tipula txiki- txiki egin. Sartagi batean olioa jarri eta baratxuria bota, behi eginda dagoenean plater batera atera. Olio berdinean tipula bota eta gardena gelditu arte sukaldatu su baxuan 10 minutu edo. Orduan baratxuria eta almendran gehitu eta nahastu. Ondoren barazki salda bota eta bero- bero dagoenean gatza apur bate bota, surtatik atera eta dena krema bihurtu arte batidoraz birrindu.

Bi osagaiak ditugularik seitana bi aldeetatik oliotan frijitu eta ondoren heltze batean almendra krema jarri eta seitan xerrak gainean jarriz 5 minutuz pil pilean utzi, maiz nahastuz.